Os rapaces e as rapazas de primeiro de primaria, baixamos á horta a relaxarnos e pintar libremente o noso sentir ao estar en silencio e escoitando a natureza.
Sexto de primaria colaborou na horta plantando leitugas e preparando a terra para vindeiros cultivos.
Como non utilizamos ningún tipo de pesticida artificial fixemos uns regueiros de serrín para evitar que os caracois se acheguen ás leitugas. Agardamos que funcionen.
Tamén botamos abono orgánico.
Os nosos agricultores de terceiro de Ed. Primaria plantaron bulbos de narcisos, tulipáns e cebolas. Observaron e supervisaron a evolución da nosa hortiña. Atopamos moitos caracois e miñocas e aprendimos que estas últimas airean a terra e son moi beneficiosas para as nosas plantacións.
Este venres, se o tempo acompaña, seguiremos plantando flores e tamén fabas.